Cymru yn Fenis / Wales in Venice 

Sownd: Manon Awst + Dylan Huw

9 Mai – 22 Tachwedd 2026

Istituto Santa Maria della Pietà, Fenis

Mae’r ffilm fer hon yn cyflwyno Sownd, y prosiect sy’n cynrychioli Cymru yn 61ain Arddangosfa Gelf Ryngwladol – La Biennale di Venezia 2026, un o ddigwyddiadau celf gyfoes bwysicaf y byd.

Mae Sownd yn osodwaith ymdrochol sy’n archwilio cysylltiadau rhwng tirwedd, iaith a deunydd. Mae’r artistiaid yn dod ag elfennau naturiol o ogledd Cymru a lagŵn Fenis ynghyd, a’u cyfuno â sain, cerflunwaith a thestun i greu un amgylchedd rhyng-gysylltiedig, wedi’i siapio gan yr adeilad hanesyddol. Ochr yn ochr â’r arddangosfa yn Fenis, mae digwyddiadau byw yng Nghymru yn gwahodd cynulleidfaoedd i brofi’r tirweddau y tu ôl i’r gwaith yn uniongyrchol.

I gyd-fynd ag arddangosfa hydref Oriel Myrddin, Bywyd Llonydd / Still Life, rydym yn croesawu Buddug fel ein gwneuthurwr dan sylw.

Mae Buddug yn ddylunydd wneuthurwr, yn wreiddiol o Eryri yng Ngogledd Cymru ac yn byw bellach yng Nghaerdydd gyda'i theulu. Mae ei gwaith wedi'i wreiddio'n ddwfn yn ei magwraeth Gymreig, gan dynnu ysbrydoliaeth o lenyddiaeth, tirwedd a diwylliant. Mae'r dylanwadau hyn yn siapio'r straeon y mae'n eu hintegreiddio i'w gemwaith a'i gwrthrychau. 

Mae darlunio a llawysgrifen wrth galon gwaith Buddug. Wedi'i hysbrydoli gan lythrennu â llaw hen ffasiwn mewn pen ac inc, mae hi'n archwilio rhinweddau addurnol geiriau a delweddau, a'r straeon a'r ystyron y gallant eu cario. 

Ar gyfer Bywyd Llonydd / Still Life, rydyn ni'n eich gwahodd i edrych yn fanwl ar fanylion, patrymau a geiriau yng ngwaith Buddug, a darganfod y straeon sydd wedi'u plethu i bob darn. 

Bydd gwaith Buddug ar gael i’w weld a’i brynu yn siop ein horiel ochr yn ochr ag agoriad ein harddangosfa newydd.

Darganfod mwy:

Gwefan: www.buddug.com‍ ‍

Instagram: @buddug_studio

Bywyd Llonydd / Still Life 

Rhan o CELF, Oriel Gelf Gyfoes Genedlaethol Cymru

5 Medi - 31 Hydref

Mae Bywyd Llonydd / Still Life yn arddangosfa hwyliog a lliwgar sy’n dod â phaentiadau o’r Casgliad Cenedlaethol ynghyd â gweithiau celf newydd sbon a gomisiynwyd gan wyth o artistiaid a gwneuthurwyr cyfoes. 

Mae pob artist wedi cael paentiad o’r Casgliad Cenedlaethol ac wedi cael cais i greu gwaith celf 3D wedi’i ysbrydoli ganddo. Maent wedi defnyddio lliwiau, siapiau, gweadeddau, patrymau neu ddeunyddiau o’r gwaith celf gwreiddiol i greu rhywbeth newydd. 

Mae’r arddangosfa’n ein hannog i edrych yn fanwl, sylwi ar y cysylltiadau rhwng y gweithiau celf, a darganfod sut mae artistiaid yn troi syniadau’n rhywbeth cwbl newydd.

Mynediad am ddim - croeso i bawb

Darganfyddwch lawenydd gwneud gyda chlai yn y cwrs ymarferol ysbrydoledig hwn, sy'n berffaith i ddechreuwyr ac i'r rhai sy'n dychwelyd i gerameg.

Byddwch yn cael eich cefnogi bob cam o'r ffordd wrth i chi feithrin hyder a datblygu eich sgiliau mewn amgylchedd hamddenol a chreadigol.

Arweinir y cwrs gan Justine Allison (@justineallisonceramics), artist cerameg o Orllewin Cymru gyda dros 30 mlynedd o brofiad proffesiynol, sydd wedi ennill y Fedal Aur am Grefft a Dylunio yn Y Lle Celf yn ddiweddar fel rhan o eisteddfod Garreg Las 2026.

Clwb celf creadigol, misol.

I bobl ifanc oed 11 – 14.

Pob dydd Sadwrn cyntaf y mis.

10:30-13:00

£5 y person.

Mae Clwb Artistiaid Ifanc yn cwrdd yn stiwdio Oriel Myrddin i archwilio gwahanol ffurfiau celfyddydol a ffyrdd o wneud mewn gofod cefnogol a chreadigol. Hydref yma, byddwn yn ymateb i'r bywyd llonydd. Mae bywyd llonydd yn fath o gelf sy'n canolbwyntio ar wrthrychau bob dydd, fel blodau, ffrwythau, bwyd neu eitemau cartref. Mae artistiaid wedi bod yn creu bywyd llonydd ers cannoedd o flynyddoedd, gan ddefnyddio gwrthrychau cyffredin i archwilio lliw, golau, siâp ac ystyr.

Darperir yr holl ddeunyddiau.

Mae archebu lle yn hanfodol

‍Ein nod yw gwneud y profiad hwn mor gynhwysol a hygyrch â phosibl. Os oes gennych unrhyw gwestiynau, neu i rannu unrhyw anghenion mynediad, cysylltwch â ni yn engagement@orielmyrddin.com